Enti kitai bekenangka pasal pengawa dikereja aku maya ke diatu,engka enda ulih dirintai panjai baka randau kemedu meraka sungai.Enda ulih diserarai baka sekaban indu utai terebai.Kekadang pala pan ngelu mikirka maioh macam leman pekara.Enti suba pengawa tu dikereja aku naka penyamai laban buah runding tauka IDEA munyi ku jaku ribai.Idea semampai bisi dalam kerubung pala.Sebut aja nama idea,jari alu bejalai ngeranjaika diri atas kertas A4 burak.Alu nyadi mih kartun sida Jabun serumah.Sekumbang aku udah datai di menua Perak (ke diatu)idea aku pan lalu punas.Lenyau terebai dipuput ribut biau balai.Engka ditabanka angin maya nepan bilun Airasia kini.Suah ga maca berita kin kitu dalam surat kabar,majalah,bup enggau meda tv,idea enggai mih datai.Buka aku lap top,main game enda lama ngicaka bisi masuk idea baru.Baka kati enggai mega datai.Nyangka daya kreativiti aku udah ambis?Enti idea enggai datai-datai,tunjuk jari ngelusu mih megai pinsil enggau pen.Nama utai ka didero deh?Rarah diri lambar buk ba pala begaru ngiga buah penemu baru.
Orang maioh amat rinduka kartun Chai Juai Labu Binjai ti baru 2 taun udah nyungkak ke diri ba column bagi Berita Iban ba Utusan Borneo.Aku mega enggau naka ulih nero kartun ba column nya ngambika bisi dikena bala pemaca surat kabar beperindang.Kekadang,kartun suah mega diulang tayang sida Utusan Borneo laban aku suah laun nganjung ngagai sida.Nya ukai salah sida.Ukai sengaja.Aku ti laun nganjung nagai sida.Aku arap semua pemaca,peminat kartun Chai Juai LAbu Binjai anang leju,serta sabar nganti kartun baru ba surat kabar Utusan Borneo.Nadai jaku bukai agi aku tu asai iya,semina ngarapka semua peminat Jabun @ Chai Juai Labu Binjai ulih nyukung tauka terus nyukung pemansang kartun aku tu.Terima kasih.

Entara Patriotik Enggau Politik

Semangat patriotik enda sebaka enggau semanata politik.Anang kitai saru ninga munyi 'tik,tik' aja ba ujung mulut enggau dilah.

Chai Juai Labu Binjai ( Versi Lawak Gila)

Tabi Basa ngagai semua kita ke bisi tepejuh ngelawa blog aku tu.Minta ampun laban lama udah enda 'update'blog laban sibuk enggau maioh leman pengawa.Serak tu,aku mai kita beratika sekeda ari asil keranjai jari aku.Semua orang udah nemu populariti kartun Chai Juai Labu Binjai ba column Berita Iban,Utusan Borneo.Bisi di entara peminat setia kartun Chai Juai Labu Binjai mungkal nanya aku,kemaya bisi koleksi Chai Juai Labu Binjai.Ngambika semua kitai nemu,koleksi Chai Juai labu Binjai Vol bagi Satu udah mujur dijual maya Hari Sejiwa Senada di Kapit.Penyampau 30 iti bup nya ambis dijual enggau rega RM25.00.Kira edisi terhad mih nya.Udah Koleksi Chai Juai labu Binjai mujur dijual,enda lama udahnya bisi mega peminta ari bala peminat ngasuh nyelak koleksi Chai Juai Labu Binjai Vol bagi ke Dua.Bah,kemaya nya kini?Enggau peluang tu aku deka mantaika asai terima kasih ngagai semua bala peminat kartun Chai Juai Labu Binjai.Koleksi vol 2 empai temu kemaya deka dicelak.Ila madah baru au.Enggau tu aku mantaika sekeda ari kartun ti pemadu baru ari aku.

Enti Lebuh Nadai Idea...

Selamat betemu baru bala pemaca,aku arap kita gerai belama baka selama beserimbai enggau pengerami madi kitai bansa Cina.Gong Xi Fat Chai.Lebuh maya sida berami tu,pending endang asaika bengal belama kategal munyi percun enggau bungai api ti dimain sida tengah malam 02/02/2011.Asap belebu sebelah rumah,jalai ba kawasan perumahan enggau pasar.Amat raya ga sida Cina tu berami.Enti kitai Iban berami sigi enda ninga munyi percun tang ketebal agi kitai bansa tu berami ngena gendang,tawak,enggau bebendai.Ai pengayu enda nadai dikena ngenyapuhka ruai.Enda pia iya?

Nyadi kenang kitai serak tu iya pasal idea tauka buah pikir (buah runding)lebuh maya nero enggau ngaga pengawa kreatif.Baka aku ngelamatu,odea endang semampai bisi tang enda tentu engkeman ba runding aku laban idea mesti dikusok gasak amat ngambika ulih narit ati urang maca.Pengelama setahun nero ba suratkabar Utusan Borneo meri aku sepirin ti cukup manah.Taja pan pia,kekadang aku ngasaika idea aku makin sehari makin kurang.Nama kebuah kini.Jeman belabuh suba,idea aku enda ulih ditagang datai nuntung pala untak.Bala kaban ke rapat kaul enggau aku mega bisi meri siti dua idea kena nero kartun.Idea sida endang manah,penuh humour enggau jenaka.Aku meri besai terima kasih ngagai sida ti udah meri aku idea ngelamatu.

Dua minggu ti udah,aku bisi nerima sms enggau pukul talipaun binching ari kaban sama spesis KArTUNIS madahka deka merambu ngaga majalah kartun ngena konsep Sarawak.Kaban aku tu siku kartunis bansa Laut,gawa sementara ba siti hotel di Kuching.Kami duai nguji ngumpul semua kartunis-kartunis ti bisi pengelandik nero (recruit)begulai sama bejalaika pengawa nero kartun ba majalah nya ila.Barang sapa ti ngembuan pengelandik nero kartunis,kita tau nganjung ARTWORK kita ngagai email aku baka tu:terksvin24@gmail.com.Enti artwork kita ngerinduka ati serta bisi ngembuan identiti tauka bekonsepka Sarawakian,kita deka dimabi begulai enggau raban kartunis kami ka bukai.Uji anjung mih artwork kita wai.Bah,mupok dulu aku...