HARI SEJIWA SENADA DI KAPIT
Hai,selamat betemu baru ngagai semua bala kita ti bisi datai nemuai ngagai blog aku tu.Lama amai udah asai aku enda update blog tu laban kelalu sibuk enggau pengawa diri empu.Serak tu aku deka mantaika mimit jerita pasal pekara tauka program ti bisi nyadi ngelamatu.Kena 17 Disember - 19 Disember 2010,Program Hari Sejiwa Senada bisi dianjurka ba bagi sitak menua Kapit.Program digaga enggau pengelama 3 hari bejurut.Macam-macam program ti bisi digaga ba pengerami tu baka pameran opis perintah,lumba enggau main,gerai bejual barang engggau pekit belagu.Dalam pengerami tu mega,bala Jabun serumah tauka Chai Juai Labu Binjai Team enda tinggal enggau ngulu pengerami Hari Sejiwa Senada tu.Chai Juai Labu Binjai bisi muka booth kediri empu begulai enggau International Tattoo Artist Mr Robert Mayau Entalai.
Kelimpah ari mega,aku bisi bejual Bup Koleksi Chai Juai labu Binjai Volume 1 ngagai semua peminat setia kartun iban ba Utusan Borneo.Bisi 21 iti copy dijual maya Hari Sejiwa Senada enggau rega RM25.00 siti.Semua bup nya ambis dijual dalam timpoh 3 hari program tu bejalai.Kulit mua cover bup Koleksi Chai Juai Labu Binjai Vol 1 tu tau dipeda baka dibaruh tu:
Aku enda nyangka sambutan ngagai peminat kartun iban ngagai Chai Juai Labu Binjai endang amat manah serta bisi entara sida besimpanka koleksi Chai Juai Labu Binjai kediri empu.Aku ditu meri besai terima kasih kategal ari sukung ti datai ari bala maioh.Enti nadai bala peminat Chai Juai Labu Binjai,sapa mih aku tu.Enda pia iya wai?Ba pengerami Hari Sejiwa Senada tu mega,aku bisi bekelala enggau siku kaban ti lama udah berkecimpung dalam dunya seni,tang ukai seni lukis tauka seni suara.Iya semina negi ka penuduk diri dalam bidang seni gambar.Kaban aku tu ti benama Faizul 'Zulkha'endang siku urang ti landik serta kreatif ngambar ngena kamera.Siti ari gambar kami duai begulai baka ti dibaruh tu:
Maya kami duai berandau,iya madahka diri suah ngambik gambar urang kahwin enggau gambar family.Bah,barang sapa kita ti deka beguna servis kaban aku tu,kita tau ngiga iya.Faizul tu endang urang ti landik beambika gambar laban iya mega bisi krew enggau studio gambar kediri empu.Kelimpah ari nya,iya mega ulih meri servis gambar ti kreatif serta berseni.Ukai sebarang urang tu!
Asai aku,naka tu dulu mih rita ti ulih dikenataika aku serak tu.Enggau tu mega aku deka meri jaku gerah ngagai sapa-sapa ti deka begunaka servis nero karikatur tauka potret,kita tau ngiga aku ba no talipaun binching tu:0138491189 tauka email ngagai: terksvin24@gmail.com.Bah,mupok dulu aku wai..ila nampung baru ga...
