Kartun Ba Majalah Sempandai Edisi Keterubah

Fenomena Tahun 2011 Sebedau tahun 2012

Fenomena paling baru datai nuntung ba ujung tahun 2011 tu iya menua kitai balat bendar bakal kena ampuh bah tauka banjir.Tu mih penusah ti balat bendar dikirau kitai kelimpah ari karam di darat baka angus sekayu rumah panjai.Enti kelia jeman maya pikir bedau tebuka,orang tuai suah ngumbai enti menua balat bakal laban pengudi hari,nya dikumbai menua kudi bisi orang ngaga pengawa ti enda menuku.Jeman diatu,teorinya enti ulih dikena laban kitai mensia udah bisi teknologi dikena ngabas kebuah hari tau kudi.Maya agi mit suba,enti meda neraja di kaki langit,orang tuai ngumbai utai nya ular besai tauka naga besai.Kitai enda disagi nunjuk neraja ngena tunjuk enggai ke tunjuk jari bingkuk.Ngena penemu sains,diatu kitai nemu nama utai dikumbai neraja(pelangi) serta bakani neraja tau nyadi lalu bisi ngembuan tujuh bagi chura;bakanya mega hari kudi ti ngemai ribut enggau ujan.Empai lama udah ampuh bah,dia kitai tekenyit baru meda serta ninga rita jalai alun ba Serian bisi tusur ditabanka ai bah.Naka pemalat jalai alun menua Serian nya tusur.Baka kitai meda jerita World Of The World,tanah merekah enda ulih ditengah kerita enggau entuka.Dunya kitai udah kelalu tuai.Tuai laban ulah mensia ti enggai ngetu-ngetu ngeraja pengawa ari macam sukut,sosial,ekonomi enggau politik.Engka amai ga jaku sida tuai kelia lebuh maya pengarap lama agi tebal dikembuan sida.Berunding mih kitai ari diatu nama pekara ti deka nuntung kitai dalam tahun ti deka datai.2012.Mupuk dulu aku wai,ila nampung baru.Anang leju ngelawa blog aku au...

The Walking Dead-Komik

Komik The Walking deadHello semua bala kita ka bisi tepejuh macha blog aku tu,Aku meri Selamat Ngintu Hari Krismas enggau Tahun Baru 2012.Serak tu,aku deka bekunsi enggau semua kita pasal siti ari asil keranjai jari pelukis bukai ti rindu dipeda aku.Kelimpah ari komik tauka majalah kartun ke bukai baka APO,UJANG,tauka Gempak,aku mega suah macha majalah luar negeri.Marvel Comic siti ari chunto majalah kartun ti manah serta ngembuan asil keranjai ti pemadu ngerinduka ati.Stroke enggau jalai jerita siti-siti ti diasilka Marvel endang didero pelukis ke ngembuan pengelandik jari ti perfect munyi ku jaku ribai.Superhero baka Superman,Batman,Spiderman,X-Man enggau maioh agi suah dipeda enggau didinga kitai.semua karakter kartun tu dibai ari komik lalu digaga nyadi siti jerita ba TV.Nya ngasuh kitai makin rindu agi meda kartun.Nyadi,pekara ti bebatang endar dikunsi aku ditu iya pasal siti ari siri TV ti dikerindu aku.The Walking Dead. Jerita Siri Tv The Walking Dead cukup dikerindu mensia maioh ba menua ribai laban jalai jerita penuh enggau unsur-unsur saspen,thriller enggau action.Iya ke bendar amai,jerita tu diambi ari komik The Walking Dead ti ditengkebang Robert KirkMan(creator,Writer&Letterer) enggau Tony Moore(Penciler,Inker&Gray toner).Ari sukut seni tauka arts,komik tu didero ngena pengelandik jari bekenaka brush(berus lukisan),gray toner(photoshop) enggau pen inker.Kelimpah ari nya,komik tu manah dibcha lalu tiap lambarnya enda jauh lari ari jerita ba siri TV.Aku enggai bejaku maioh,lalu barang sapa kita ti deka macha serta ngembuan komik The Walking dead tu,kita tau download ba blog tu free of charge.Komik tu mega ditengkebang betampung udi lalu iya bisi episod ke diri empu.

Please Note:Click SKIP AD to download

Download The Walking Dead Comic Episode 1 ditu http://adf.ly/4SRud

Chai Juai Labu Binjai Three Panel Cartoons

Pelaba aku,baru iya mih aku ngaga kartun 3 panel dalam siti lambar.Naka ka diatu,semua kartun aku semina dalam dua iti kotak(panel) aja.Ka nguji nukar angin munyi ku jaku kitai.Diatu aku nguji mupuk belubah nero kartun dalam 3 panel lalu deka 'upgrade'panel kartun ngagai 3 tauka 5 panel.Nambah ka nya mega,aku bisi nguji ngiga idea tauka buah runding ti manah serta engkeman dikena nyadi pekara ti patut dibantaika dalam tiap strip kartun.Nyadi semua kartun aku endang engkeman dibacha semua orang enda ngira tikas umur.Kelimpah ari tu,Page Chai Juai Labu Binjai ba Facebook mega bisi betambah ninting hari.Naka blog tu ditulis,Chai Juai Labu Binjai udah bulih 814 'LIKE'.Ngagai semua orang tauka peminat ti bisi 'like' page Chai Juai Labu Binjai,aku enggau besai ati meri besai terima kasih ngagai semua kita enda ngira dini-dini alai diau.Aku enggau naka ulih merindang semua kita ngena asil keranjai jari aku tu.Ngagai sapa-sapa ka bisi tepejuh ngelawa blog aku tu,aku meri tabi basa Selamat Datai lalu kair-kair dia mih sebarang pekara ti ulih merindang ati kita.Mupok dulu aku wai.